एमालेका नेता पुर्पक्षका लागि जेल चलान

पोखरा । प्रेस चौतारी कास्कीका अध्यक्ष समेत रहेका एमालेका नेता अर्जुन गिरी सहकारी ठगी अभियोगमा पुर्पक्षका लागि जेल चलान भएका छन् ।
पोखराको मित्रमिलन बचत तथा ऋण सहकारी ठगी प्रकरणमा गिरीलाई जिल्ला अदालत कास्कीले बिहीबार पुर्पक्षका लागि थुनामा पठाउने आदेश गरेको छ ।
न्यायाधीश रामचन्द्र शर्माको इजलासले पछि ठहरे बमोजिम हुने गरी पुर्पक्षका लागि थुनामा पठाउने आदेश गरेको छ । मंसिरमा पक्राउ पुर्जी जारी भएपछि फरार गिरी बुधबार अदालतमा उपस्थित भएका थिए ।
गिरी ‘ताण्डव न्यूज डटकम’का प्रधान सम्पादकसमेत हुन् । गिरी मित्रमिलन सहकारीका प्रेस सल्लाहकार थिए । गिरी नेकपा (एमाले) कास्की जिल्ला कमिटी सदस्य एवम् पोखरा– २१ का वडा इन्चार्जसमेत हुन् ।
पोखरा महानगर–९, नयाँ बजारस्थित सहकारीका सञ्चालक र अन्यसँग मिलेर करिब २७ करोड रुपियाँ रकम अपचलन गरेको आरोप छ ।
बिचार/ब्लग

सरकार ढल्छ भन्ने हल्ला चलेका बेला कांग्रेसको ९ निर्णय सार्वजनिक
श्यामकुमार घिमिरे, प्रमुख सचेतक, कांग्रेस
मुकुलले हिरासतमा रहेका रविलाई सम्झिए
मुकुल ढकाल
फेसबुकबाट तपाईको प्रतिक्रिया