कपिलवस्तुमा दशजनाकाे ज्यान जानेगरी भएको बस दुर्घटनाप्रति सभापति डा.राणा मर्माहत

काठमाडौं । प्रतिनिधिसभाकाे कृषि, सहकारी तथा प्रकृतिक स्रोत समितिकि सभापति एवम् नेपाली कांग्रेसकी नेतृ डा.आरजु राणा देउबाले कपिलवस्तु जिल्लामा दशजनाकाे ज्यान जानेगरी भएको बस दुर्घटनाप्रति गहिराे दु:ख व्यक्त गरेकी छिन् ।

बिहीबार बिहान प्रेस नाेट जारी गरेर डा. राणाले घाइतेहरूकाे शीघ्र स्वास्थ्य लाभकाे कामना गरेकी छिन् । उनले मृत्तकप्रति श्रद्धाञ्जलि व्यक्त गरेकी छिन् ।

`हिजो दिउँसो महेन्द्रनगरबाट काठमाडौं जाँदै गरेको सु प-०२-००१ ख ००९८ नम्बर को बस राती १ बजे कपिलवस्तु जिल्लाको शिवराज नगरपालिका–१ सुरही पुल नजिक २०० मिटर तल खसि दुर्घटना भई १० जनाको मृत्यु र ३० जना घाईते भएको खबरले निकै मर्माहत बनाएको छ´, सभापति डा. राणाले भनेकी छिन् ।

`घाइतेको उपचारमा लाग्न स्थानीय प्रशासनलाई आग्रह गदै घाइतेको शीघ्र स्वास्थ्य लाभको कामना गर्दछु साथै मृतकहरूप्रति भावपूर्ण श्रद्धाञ्जलि व्यक्त गर्न चाहन्छु´, उनले भनेकी छिन् ।

Published : Thursday, 2024 February 15, 12:15 pm

फेसबुकबाट तपाईको प्रतिक्रिया