रास्वपाका ठूला नेता कांग्रेसमा प्रवेश

हेटौंडा । राष्ट्रिय स्वतन्त्र पार्टी (रास्वपा) मकवानपुरका संस्थापक संयोजक राजकुमार न्यौपाने नेपाली कांग्रेस प्रवेश गरेका छन् ।

शुक्रबार हेटौँडामा आयोजित नेपाली कांग्रेसको ७८औं स्थापना दिवसका दिन न्यौपाने कांग्रेस प्रवेश गरेका हुन् । न्यौपानेलाई कांग्रेस केन्द्रीय सदस्य एवम् पूर्वमहामन्त्री प्रकाशमान सिंहले स्वागत कांग्रेस स्वागत गरेका छन् ।

कांग्रेस प्रवेश गर्दै न्यौपानेले रास्वपामा देश बनाउने कुनै एजेन्डा नभएको बताएका छन् । रास्वपाले जनतालाई आश देखाएर निराश बनाइदिएकोले आफू कांग्रेसमा गएको उनले बताएका छन् ।

कार्यक्रममा नेपाली कांग्रेसका बागमती प्रदेश कार्यसमितिका सभापति ईन्द्रबहादुर बानियाँले रास्वपामा सिद्धान्त र ईमान्दारिता नरहेको बताए । उनले नयाँ दलहरुमा जनताको भावना बुझ्न सक्ने शक्ति नरहेको बताएका छन् ।

Published : Friday, 2024 January 26, 11:24 pm