योजनामा आधारित कर्जालाई प्राथमिकता दिनुपर्छ : अर्थमन्त्री डा.महत

काठमाडौं । अर्थमन्त्री डा.प्रकाशशरण महतले अब बैंकले धितोबेस कर्जा भन्दा पनि योजनामा आधारित कर्जालाई प्राथमिकता दिनुपर्ने बताएका छन् ।

बुधबार काठमाडौंमा राष्ट्रिय वाणिज्य बैंकको ५९ औँ वार्षिकोत्सव कार्यक्रमलाई सम्बोधन गर्दै डा.महतले नेपालमा अधिकांश कर्जा धितोबेस भएकाले कर्जाभन्दा धितो बढी लिएर कर्जा दिने प्रचलन रहेको बताएका छन् ।

अर्थमन्त्री डा.महतले अब बैंकले धितोबेस कर्जाभन्दा पनि प्रोडक्ट अर्थात् आयोजनामा आधारित भएर कर्जा प्रवाह गर्नु आवश्यक रहेको बताएका छन् ।

अर्थमन्त्री डा.महतले बैंकले प्रोजेक्टबेस कर्जा दिँदा कर्जा दिन लायक परियोजना भएको वा नभएको अध्ययन मूल्याङ्कन गर्नुपर्ने बताए । उनले प्रोजेक्टबेस कर्जामा बैंक जाने हो भने विस्तारै धितो कर्जाको माग कम हुँदै जानसक्ने बताएका छन् ।

Published : Thursday, 2024 January 25, 7:44 am

फेसबुकबाट तपाईको प्रतिक्रिया