व्यूरोद्वारा मेत्रावतीका वीरबहादुर ३२ वर्षपछि पक्राउ

काठमाडौं । नेपाल प्रहरीको मानव बेचबिखन अनुसन्धान व्यूरो, बबरमहलले ५७ वर्षीय वीरबहादुर तामाङलाई पक्राउ गरेको छ ।

मानव बेचबिखन मुद्दामा फरार रहेका तामाङलाई व्यूरोले ३२ वर्षपछि पक्राउ परेको विज्ञप्तिमार्फत जनाएको छ ।

धादिङको मेत्रावती गाउँपालिका वडा नं. २ का तामाङलाई बुधबार ललितपुर महानगरपालिकाको वडा नं. १४ तिखेदेवलबाट पक्राउ गरेको छ ।

एक महिलालाई ब्रुनाइ पठाइदिन्छु भनेर तामाङले झुक्याएर २०४७ सालको चैत ३ गते भारतको पश्चिम बंगाल पुर्‍याएका थिए ।

काठमाडौंबाट लगेर काकडभिट्टा हुँदै पश्चिम बंगालको बागडोरामा पुर्‍याएर ती महिलालाई भारतीय नागरिकसँग दश हजार रुपियाँ (भारतीय मुद्रा)मा तामाङले बिक्री गरेका थिए ।

भारतीय नागरिकले रिक्सामा राखेर लग्दै गरेको बेलामा ती महिला हामफालेर भागेकी थिइन् ।

भागेर उनी भारतीय प्रहरीको सम्पर्कमा पुगेकी थिइन् । भारतीय प्रहरीले महिलालाई काकडभिट्टासम्म पुर्‍याएको थियो ।

Published : Thursday, 2024 January 18, 6:25 pm

फेसबुकबाट तपाईको प्रतिक्रिया