मीनासहित जुवातास खेलिरहेको अवस्थामा ७ जना पक्राउ

काठमाडौं । प्रहरीले जुवातास खेलिरहेको अवस्थामा सात जनालाई रंगेहात पक्राउ गरेको छ ।

चन्द्रागिरी नगरपालिका–३ थानकोट महाशक्ति पेट्रोल पम्प नजिक मीना मगरको खाजा घरमा जुवातास खेलिरहेको अवस्थामा प्रहरीले छापामारेको विज्ञप्तिमार्फत जनाएको छ ।

मकवानपुरको थाहा नगरपालिका–९ चित्लाङ बस्ने ३० वर्षीय रामकृष्ण थोकर समेत ७ जनालाई आइतबार साँझ प्रहरीले पक्राउ गरेको छ ।

प्रहरी वृत्त थानकोटबाट खटिएको प्रहरीले उनीहरूलाई नगद ९ हजार ९ सय ७० रुपियाँ र १ बुक ताससहित पक्राउ गरेको छ ।

Published : Monday, 2024 January 15, 8:06 pm

फेसबुकबाट तपाईको प्रतिक्रिया