दिल्लीमा अपार्टमेन्टमा कोठी चलाउने टीकाराम र अस्मिता पक्राउ

काठमाडौं । दिल्लीमा यौन व्यवसाय सञ्चालन (कोठी) गर्ने नेपाली दम्पती पक्राउ परेका छन् ।

भारतको दिल्लीमा यौन व्यवसाय सञ्चालन गर्ने कार्यमा संलग्न रहेको अभियोगमा २ जनालाई बुधबार प्रहरीले पक्राउ गरेको विज्ञप्तिमार्फत जनाएको छ ।

पक्राउ पर्नेहरूमा स्याङ्जाको गल्याङ नगरपिलका–७ ठेगाना भएका ३५ वर्षीय टीकाराम भण्डारी र उनकै श्रीमती ३१ वर्षीया अस्मिता भण्डारी, रिया वली भन्ने टीकाकुमारी वली रहेका छन् ।

विभिन्न होटल, रेष्टुरेन्ट, फेन्सी पसलमा आकर्षक काम पाईने र कमाई समेत राम्रो हुने प्रलोभन देखाई नेपालबाट भारतको दिल्ली पुर्‍याई वेश्यावृत्तिको लागि आफैले भाडामा लिएको अपार्टमेन्टमा राखी यौन क्रियाकलापमा लगाउने कार्यमा संलग्न उनीहरुलाई मानव बेचबिखन अनुसन्धान ब्यूरो बबरमहलबाट खटिएको प्रहरीले कञ्चनपुरबाट पक्राउ गरेको हो ।

उनीहरूलाई फैसला कार्यान्वयनको लागि काठमाडौं जिल्ला अदालतमा पेश गरिएको छ ।

Published : Wednesday, 2024 January 3, 7:27 am

फेसबुकबाट तपाईको प्रतिक्रिया