मोस्ट वान्टेड विप्लव र प्रकाण्ड बालुवाटारभित्र देखिए

काठमाडौं । जिल्ला अदालत काठमाडौंबाट पक्राउ पुर्जी जारी भएका नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ बालुवाटारभित्र देखिएका छन् ।

बुधबार बालुवाटारमा बसेको समाजवादी मोर्चाको बैठकमा सहभागी हुन विप्लव आफ्ना नेता खड्गबहादुर विश्वकर्मासँग आएका थिए । प्रधानमन्त्री पुष्पकमल दाहालले बोलाएको बैठकमा सहभागी हुन प्रहरीको फरार सूचीमा रहेका विप्लव बालुवाटार आएका हुन् ।

समाजवादी मोर्चामा नेकपा (माओवादी केन्द्र), जनता समाजवादी पार्टी नेपाल (जसपा), नेकपा (एकीकृत समाजवादी) र विप्लव नेतृत्वको नेकपा रहेका छन् ।

नेपाल कम्युनिस्ट पार्टीका महासचिव विप्लव र सोही पार्टीका प्रवक्ता खड्गबहादुर विश्वकर्मा ‘प्रकाण्ड’लगायतविरुद्ध पक्राउ पुर्जी आदेश भएको छ ।

Published : Wednesday, 2023 December 27, 11:13 pm

फेसबुकबाट तपाईको प्रतिक्रिया