ठूलो जनमत प्रदेश संरचनाको विरोधमा छ, विकल्प खोजौं : कांग्रेस नेता भण्डारी

पोखरा । नेपाली कांग्रेसका केन्द्रीय सदस्य शंकर भण्डारीले चैतभित्र संविधान खारेजीको सम्भावना रहेको दाबी गरेका छन् ।

मंगलबार पोखरामा नेपाली कांग्रेस गण्डकी प्रदेशको प्रथम सम्मेलनलाई सम्बोधन गर्दै भण्डारीले चैतसम्म मुलुकमा जे पनि हुन सक्ने बताए ।

उनले भने, ‘यो चैतभित्र संविधान खारेज हुन सक्छ । यदि मैले पाएको सूचना गलत छैन भने ।’

उनले प्रदेश संरचनाको विकल्प खोज्नु पर्ने बताएका छन् । नेता भण्डारीले भने, ‘ठूलो जनमत प्रदेश संरचनाको विरोधमा छ । प्रदेशको विकल्प खोज्नुपर्छ ।’

कांग्रेसलाई बलियो बनाउने हो भने अहिलेको निर्वाचन संरचना बदल्न आवश्यक रहेको उनले बताएका छन् ।

नेता भण्डारी हिन्दु धर्मको पक्षमा देखिएका छन् । बैद्धिक सनातन धर्मलाई कांग्रेसले बोक्नुपर्ने उनले बताएका छन् ।

‘शेरबहादुर दाइले यसको नेतृत्व गर्नुस्, तपाईं राजनेताको रुपमा स्थापित हुनुहुन्छ’, उन भने ।

पार्टी लथालिङ्ग भएको स्वीकार्दै भण्डारीले कांग्रेसलाई सहि दिसामा सम्हाल्न आवश्यक रहेको बताए ।

Published : Tuesday, 2023 December 19, 9:55 pm

फेसबुकबाट तपाईको प्रतिक्रिया