सभापति देउवा सोमबार बिदुर जाने, कांग्रेस सम्मेलनको उद्घाटन

काठमाडौं । नेपाली कांग्रेस नुवाकोटको जिल्ला सम्मेलनको सभापति शेरबहादुर देउवा उद्घाटन गर्ने भएका छन् ।

सोमबार नुवाकोटको बिदुरमा रहेको पार्टी कार्यालयमा बिहान ११ बजे सभापति देउवाले सम्मेलनको उद्घाटन गर्ने कार्यक्रम रहेको नुवाकोट कांग्रेसका सभापति रमेश महतले बताएका छन् । सम्मेलनको उद्घाटन गर्न सभापति देउवा सोमबार बिहान हेलिकप्टरबाट बिदुर जानेछन् ।

सम्मेलनलाई नेता शेखर कोइराला, अर्थमन्त्री समेत रहेका प्रवक्ता डा.प्रकाशशरण महत लगायतका नेताहरूले सम्बोधन गर्नेछन् ।

सम्मेलनमा सह–महमन्त्री महालक्ष्मी उपाध्याय ‘डीना’, केन्द्रीय सदस्य डा.रामशरण महत, अर्जुन नरसिंह केसी, बागमती प्रदेश सरकारका अर्थमन्त्री बहादुरसिंह लामा, बागमती कांग्रेसका सभापति ईन्द्रबहादुर बानियाँलाई पनि बोलाइएको छ ।

सम्मेलनमा नुवाकोटका पूर्वसभापतिद्वय जगदीश्वर नरसिंह केसी, ध्रुबप्रसाद अधिकारी, उपसभापति राजु थापा, सचिव बैकुण्ठ मिश्रलगायतले पाहुनाहरूको स्वागत गर्नेछन् ।

Published : Sunday, 2023 December 17, 8:46 pm

फेसबुकबाट तपाईको प्रतिक्रिया