सरकारको अनुभूति जनताले गर्न सकेका छैनन् : तरुण अध्यक्ष गुरुङ

काठमाडौं । नेपाल तरुण दल अध्यक्ष विद्वान गुरुङले सरकारको कामकारबाही हेरेर साथ र खवरदारी सँगसँगै गर्नुपर्ने बताएका छन् ।

बिहीबार नयाँ बानेश्वरमा आयोजित कार्यक्रममा अध्यक्ष गुरुङले सरकारको अनुभूति जनताले गर्न नसकेको बताए । उनले जनताको भावना बमोजिम कार्य गर्नुपर्ने बताएका छन् ।

गुरुङले तरुण दल अध्यक्षको कुनै गुट नहुने बताएका छन् । आफूले सबैलाई समान व्यवहार गर्ने उनले बताएका छन् ।

उनले सम्पूर्ण केन्द्रीय सदस्यहरूलाई भूकम्प प्रभावितको सहयोगको कार्यमा जुट्न निर्देशन दिएका छन् ।

कार्यक्रममा तरुण दलका पूर्वअध्यक्ष विनोद कायस्थ, सांसद प्रतिमा गौतम, सांसद सुनिल शर्मा, नेता मनोजमणि आचार्य लगायतको उपस्थिति रहेको थियो ।

Published : Friday, 2023 December 15, 12:13 pm

फेसबुकबाट तपाईको प्रतिक्रिया