तनहुँमा नौं वर्षीया बालिकालाई करणी, रनबहादुर पक्राउ

काठमाडौं । तनहुँ जिल्लामा जबरजस्ती करणी गरेको अभियोगमा ७३ वर्षीय रनबहादुर सारूलाई प्रहरीले पक्राउ गरेको छ ।

९ वर्षीया बालिकालाई जबरजस्ती करणी गरेको अभियोगमा शुक्लागण्डकी नगरपालिका–७ सेराडी बस्ने सारूलाई मंगलबार दिउँसो प्रहरीले पक्राउ गरेको विज्ञप्तिमार्फत जनाएको छ ।

सारूले ती बालिकालाई आफ्नै घरको कोठामा विभिन्न प्रलोभनमा पारी ललाई फकाई जबरजस्ती करणी गरेको अभियोग लागेको छ ।

पीडितका आफन्तको उजुरीको आधारमा ईलाका प्रहरी कार्यालय बेलचौतराबाट खटिएको प्रहरीले सारूलाई पक्राउ गरेको छ ।

Published : Wednesday, 2023 December 13, 1:52 pm

फेसबुकबाट तपाईको प्रतिक्रिया