श्रीमद् भागवत ज्ञान महायज्ञमा सभापति डा.राणाद्वारा प्रसाद ग्रहण

काठमाडौं । नेपाली कांग्रेसकी नेतृ समेत रहेकी कृषि, सहकारी तथा प्राकृतिक श्रोत समितिकी सभापति डा.आरजु राणाले श्रीमद् भागवत सप्ताह ज्ञान महायज्ञमा सहभागी भएर प्रसाद ग्रहण गरेकी छिन् ।

काठमाडौंमा सोमबार डा.राणाले श्री बुढानिलकण्ठ मन्दिर परिसरमा आयोजित श्रीमद् भागवत सप्ताह ज्ञान महायज्ञमा सहभागी भएर प्रसाद ग्रहण गरेकी हुन् ।

महायज्ञ कार्यक्रममा प्रमुख अतिथिको आतिथ्यताका रुपमा सहभागी सभापति डा.राणाले हिन्दु धर्मले सबैलाई जोडेर राखेको बताएकी छिन् । उनले धर्म र संस्कृतिले नै देश विकास हुने बताएकी छिन् ।

सभापति डा.राणाले धर्म, संस्कृतिले नै मानिसलाई अनुशासनमा बाँध्ने भन्दै त्यहिँबाटै सबैको उत्थान हुने बताएकी छिन् ।

कार्यक्रममा सहभागी सबैप्रति डा.राणाले अभार प्रकट गर्दै महायज्ञको सफलताको कामना गरेकी छिन् ।

Published : Tuesday, 2023 November 28, 10:12 am