काठमाडौं । नेपाली कांंग्रेसका सभापति शेरबहादुर देउवाले नेपाल दलित संघको अध्यक्षमा लोकबहादुर विश्वकर्मालाई नियुक्त गरेका छन् ।

शनिबार सभापति देउवाले विश्वकर्मालाई संघको अध्यक्षमा नियुक्त गरेको मुख्य सचिव कृष्णप्रसाद पौडेलद्वारा जारी विज्ञप्तिमा उल्लेख छ ।

कांग्रेसका भ्रातृ संस्था दलित संघको अध्यक्षमा नियुक्त भएका विश्वकर्मा सुर्खेत निवासी हुन् ।

‘केन्द्रीय कार्यसमितिको साउन १०, २०८० को बैठकको निर्णयानसार पार्टी सभापति शेरबहादुर देउवाद्वारा नेपाली कांग्रेसको विधान, २०१७ (संशोधन सहित) को धारा ४२ (१) (च) बमोजिम म्याद समाप्त भई स्वत: विघटन भएको पार्टी आवद्ध भ्रातृ संघ– नेपाल दलित संघको अध्यक्ष पदमा लोकबहादुर विश्वकर्मा (सुर्खेत) लाई नियुक्त गर्नु भएको छ ।’

नेपाल दलित संघको अधिवेशन गर्न नसकेपछि तत्कालीन अध्यक्ष मीनबहादुर विश्वकर्माको कार्यसमितिलाई भङ्ग गरिएको थियो । मीनबहादुर विश्वकर्मा दलित संघको अधिवेशन गर्न नसकेर बाहिरिएका थिए ।