कारबाहीमा परे ईन्स्पेक्टर खड्का
काठमाडौं । सशस्त्र प्रहरी बल नेपालका शसस्त्र प्रहरी निरीक्षक (ईन्स्पेक्टर)लाई कारबाहीमा परेका छन् ।
संगठनको आचरणविपरीत काम गर्ने एक सशस्त्र प्रहरी निरीक्षकलाई प्रधान कार्यालयले कारबाही गरेको छ ।
सशस्त्र प्रहरी निरीक्षक रामचन्द्र खड्कालाई तीन वर्ष बढुवा रोक्का गरिएको डीएसपी तथा सह–प्रवक्ता शैलेन्द्र थापाले जानकारी दिएका छन् ।
सशस्त्र प्रहरी बल, नेपाल नं. ११ गण रौतहटमा कार्यरत उनलाई सशस्त्र प्रहरी नियमावली २०७२ को परिच्छेद १३को नियम ११२ को उपनियम (१) को खण्ड (ख) अनुसारको कसुरमा ऐ. नियमावलीको नियम ११५ को उपनियम (१) को देहाय (६) (ख) ले दिएको अधिकार प्रयोग गरी ऐ. नियमावलीको नियम ११० को खण्ड (क) (५) बमोजिम कारबाही गरिएको छ ।
उनलाई २०८० जेठ ८ गतेदेखि लागू हुने गरी ३ (तीन) वर्ष बढुवा रोक्काको कारबाही गरिएको जनाइएको छ ।
फेसबुकबाट तपाईको प्रतिक्रिया