सत्तागठबन्धनलाई जिताउन शक्तिशाली कार्यक्रम घोषणा, कांग्रेसले नेतृत्व सम्हाल्यो

काठमाडौं । नेपाली कांग्रेस नेतृत्वको ४ दलीय गठबन्धनले सात प्रदेशमा प्रदेशस्तरीय संयुक्त भेला आयोजना गर्ने कार्यक्रम सार्वजनिक गरेका छन् ।

शनिबार सार्वजनिक भएको विज्ञप्तिअनुसार कात्तिक ४ गते प्रदेशस्तरीय पोखरामा पहिलो संयुक्त भेला हुनेछ । पोखराको भेलाको नेकपा (एकीकृत समाजवादी)ले समन्वय गर्नेछ ।

कात्तिक ४ गते बुटवलमा संयुक्त भेला हुनेछ । बुटवलको भेलाको नेपाली कांग्रेसले समन्वय गर्नेछ ।

कात्तिक ५ गते नेपाली कांग्रेसको समन्वयमा विराटनगरमा संयुक्त सभा हुनेछ ।

कात्तिक ५ गते नेपाली कांग्रेसको समन्वयमा जनकपुरमा संयुक्त भेला हुनेछ ।

कात्तिक ६ गते माओवादी केन्द्रको संयोजनमा धनगढीमा संयुक्त भेला हुनेछ ।

कात्तिक ६ गते नेपाली कांग्रेसको समन्वयमा सुर्खेतमा संयुक्त भेला हुनेछ ।

कात्तिक ७ गते अन्तिम संयुक्त भेला माओवादी केन्द्रको समन्वयमा काठमाडौंमा हुनेछ ।

संयुक्त भेलालाई कांग्रेस, माओवादी, एकीकृत समाजवादी र जनमोर्चाका शीर्ष नेताहरूले सम्बोधन गर्नेछन् ।

गठबन्धनको तर्फबाट संयुक्त अपील प्रकाश गर्न समिति गठन गर्ने निर्णय पनि चार दलले गरेका छन् ।

गठबन्धनका दलहरूलाई प्रभावकारी रुपमा परिचालन गर्न केन्द्र, प्रदेश र जिल्लामा निर्वाचन परिचालन समन्वय समिति गठन गर्ने निर्णय पनि भएको छ ।

जिल्लाको आवश्यक्ताअनुसार गठबन्धनका दलहरूबीच छलफल गरी आवश्यक्ता अनुसाका अन्य समितिहरू गठन गर्न सक्ने निर्णय पनि चार दलले गरेका छन् ।

Published : Saturday, 2022 October 15, 12:48 pm

फेसबुकबाट तपाईको प्रतिक्रिया