विष्णु पौडेलले आफ्नै क्षेत्रको सबैभन्दा ठूलो उप–महानगरपालिका गुमाए
बुटवल । रुपन्देहीको बुटवल उप–महानगरपालिकामा नेपाली कांग्रेसबाट मेयरका उम्मेदवार खेलराज पाण्डेयले जित सुनिश्चित गरेका छन् ।
शनिबार बिहान मतगणना भइरहँदा पाण्डेयको जित सुनिश्चित भएको हो । बाँकी रहेको मत सबै निकटतम प्रतिद्वन्द्वीले पाउँदा पनि कांग्रेसका पाण्डेयको जित सुनिश्चित छ ।
उप–मेयरमा एमालेकी सावित्रा अर्यालको पनि जित निश्चित भएको छ । अन्तिम वडाको मतगणना चलिरहेको छ ।
बुटवल उप–महानगरमा १९ वटा वडा छन् । १८ वटा वडाको मतगणना सम्पन्न भएको छ ।
कांग्रेसका पाण्डेले २५ हजार ६ सयभन्दा धेरै मत ल्याइसकेका छन् ।
निकटतम प्रतिद्वन्द्वी एमालेका बाबुराम भट्टराईले १८ हजार ६ सयभन्दा धेरै मत ल्याएका छन् ।
उप–मेयरमा एमालेकी सावित्रादेवी अर्यालले २० हजार ६०४ भन्दा धेरै मत पाएकी छिन् ।
उप–मेयरमा एकीकृत समाजवादीका चिनबहादुर गुरूङले १४ हजार ७ सयभन्दा धेरै मत पाएका छन् ।
एमालेका उपाध्यक्ष विष्णु पौडेलले आफ्नो क्षेत्रमा पर्ने बुटवललाई गुमाएका छन् ।
फेसबुकबाट तपाईको प्रतिक्रिया