सेनाका मेजरको जागिर फुत्कियो, जेल पनि बस्नुपर्ने
काठमाडौं । नेपाली सेनाले मेजर अशोकजंग शाहीलाई जागिरबाट बर्खास्त गरेको छ ।
भाइटीकाको भोलिपल्ट कैलालीको चिसापानी बजारमा रक्सी सेवन गरेर बबण्डर मच्चाएका मेजर शाहीलाई बखास्त गरिएको सैनिक जनसम्पर्क निर्देशनालयले जनाएको छ ।
शाही नेपाली सेनाको सुदूरपश्चिम पृतना तालिम शिक्षालयका सेनानी थिए ।
सैनिक अदालतको निर्णयबमोजिम शाहीलाई सेवाबाट बर्खास्त गरिएको नेपाली सेनाका प्रवक्ता नारायण सिलवालले बताएका छन् ।
भाइटीकाको भोलिपल्ट राति ११ बजेतिर मेजर शाही प्रदेश ०१–००२६च ३४६१ नम्बरको गाडी लिएर कैलालीको चिसापानी बजार पुगेका थिए ।
चिसापानीस्थित संगम होटलका सञ्चालक हर्कबहादुर रावलसँग मेजर शाहीले विवाद सुरु गरेका थिए ।
शिक्षालयको गेटमा पुगेर ड्युटी बसिरहेका हुद्दा तीर्थबहादुर बडुवाललाई एसएलआरसहित गाडीमा राखेर मेजर शाही पुन चिसापानी बजार पुगेका थिए ।
मजेर शाही फर्किएर आएर पुनः बितण्डा मच्चाउन थालेको भन्दै स्थानीयले उनको गाडीसमेत तोडफोड गरेका थिए ।
हुद्दाले बोकेको राइफलसमेत खोसेर मेजर शाहीले स्थानीयलाई ताकेक थिए ।
मदिराले मातेका मजेर शाहीले बितण्डा मच्चाउन थालेपछि इलाका प्रहरी कार्यालय चिसापानीको टोली घटनास्थलपुगेर उनलाई नियन्त्रणमा लिएको थियो ।
आक्रोशित स्थानीयले आक्रमण गर्दा मेजर शाहीको टाउकोमा चोटसमेत लागेको थियो ।
शाहीमाथि छानबिन गर्न सैनिक मुख्यालयले महासेनानीको नेतृत्वमा कोर्ट अफ इन्क्वाइरी गठन गरेको थियो ।
सैनिक अदालतले उनलाई एक महिना कैदसमेत गर्ने निर्णय सुनाएको छ ।
फेसबुकबाट तपाईको प्रतिक्रिया