सरकारी विमानबाट यात्रा गरे प्राधिकरणले छुट पाउने
काठमाडौं । नेपाल वायुसेवा निगम र नेपाल विद्युत् प्राधिकरणबीच सहकार्य गर्ने समझदारीपत्र हस्ताक्षर भएको छ ।
निगमका कार्यकारी अध्यक्ष युवराज अधिकारी र प्राधिकरणका कार्यकारी निर्देशक कुलमान घिसिङले समझदारीपत्रमा हस्ताक्षर गरेका हुन् ।
प्राधिकरणका कर्मचारी र कर्मचारीका परिवारले निगमको जहाजबाट अन्तर्राष्ट्रिय उडान गर्दा टिकटमा १५ प्रतिशत छुट पाउनेछन् ।
कर्मचारीले छुट पाउन प्राधिकरणको सिफारिस पत्रका साथै परिचयपत्र अनिवार्य रुपमा पेस गर्नुपर्नेछ ।
निगमको बिक्री कार्यालयबाट टिकट खरिद गर्नेले मात्र छुट सुविधा पाउनेछन् ।
प्राधिकरणले निगमको उडान गन्तव्य रहेका ठाउँबाट कार्गो ढुवानी गर्दा परिमाणका आधारमा ५/१० प्रतिशत छुट पाउनेछ ।
प्राधिकरणले आफ्ना कर्मचारीलाई सम्भव भएसम्म अन्तर्राष्ट्रिय यात्रा गर्दा निगमको जहाजमार्फत गर्न परिपत्र गर्ने व्यवस्था गरिएको छ ।
Published : Monday, 2022 January 3, 5:54 pm
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया