काठमाडौं । बलात्कारपछि हत्या गरिएकी कञ्चनपुरकी निर्मला पन्तका दोषीलाई पक्राउ गरेर कारबाहीका लागि दवाव दिन सरकारविरुद्ध काठमाडौंमा भव्य प्रदर्शन भएको छ ।

निर्मलाका निम्ति न्याय अभियानमा स्वस्फुर्त जम्मा भएका व्यक्तिहरूले निर्मलाको हत्याका दोषीलाई अझै पक्राउ गर्न नसकेको भन्दै सरकारको आलोचना गरे ।

हज्जारौको संख्यामा जम्मा भएका प्रदर्शनकारीले माइतीघर मण्डलाबाट सुरू भएको थियो । दोषी पत्ता लगाई कारबाही गर्न सरकारलाई दबाब दिन यो प्रदर्शन भएको छ ।

साउन ११ गते निर्मला पन्तको शव उखुबारीमा मृत अवस्थामा फेला परेको थियो । घटना भएको २ महिना बित्न लाग्दा पनि प्रहरीले अपराधीलाई नियन्त्रणमा लिन सकेको छैन ।

निर्मला पन्तको समर्थनमा स्वस्फुर्त काठमाडौंमा जम्मा भएका हज्जारौँ समर्थकको भिड देखेपछि कम्युनिस्ट सरकार तर्सिएको छ । सरकारलाई निर्मला पन्तका दोषीलाई पक्राउ गरेर कारबाही गर्न झन् दवाव परेको छ ।