निरु पालको उजुरीविनै किन ‘उत्ताउलो’ बन्यो प्रहरी ?

काठमाडौं । नेपाल कम्युनिस्ट पार्टी (नेकपा) कि समानुपातिक सांसद निरु पालको पेस्तोल प्रकरणमा प्रहरीले उजुरीविनै सर्वसाधारणलाई दःख दिन छाडेको छैन ।

काठमडौं प्रहरी प्रमुख एसएसपी विश्वराज पोखरेलले हालसम्म ३ सय ३५ जनालाई पक्राउ गरेका छन् ।

एसएसपी पोखरेलका अनुसार साउन १५ साँझ गते भएको भनिएको अञ्जान घटनाको जानकारी पाएलगत्तै साउन साउन १८ गते शुक्रबारदेखि आइतबारसम्म ३ सय ३५ जना शंकास्पद व्यक्तिहरूलाई पक्राउ गरिएको छ ।

आइतबार मात्रै प्रहरीले बालाजु, गोंगबु लगायतका क्षेत्रबाट १ सय ९५ जना शंकास्पद व्यक्तिलाई पक्राउ गरेको थियो ।

नेकपाकी सांसद पालले आफूमाथि भएको आक्रमण र लुटपाटबारे प्रहरीलाई औपचारिक जानकारी वा उजुरी नदिएको एसएसपी पोखरेलले बताए ।

घटनाको जानकारी आएपछि अपराधी खोज्नु आफूहरूको कर्तव्य भएको भन्दै आफूहरूले दैनिकरुपमा गुण्डागर्दी र आपराधिक गतिविधिमा संलग्नलाई पक्राउ गरी सोधपुछ गरिरहेको एसएसपी पोखरेलले बताएका छन् ।

काठमाडौँ प्रहरीले सांसद पालसँग भेटघाट गरी घटनामा संलग्नहरूको हुलिया र जानकारी लिएको थियो । त्यसैको आधारमा प्रहरीले यति धेरै सङ्ख्यामा शंकास्पद व्यक्तिलाई पक्राउ गरेको छ ।

प्रहरीले ३ सय ३५ जनालाई पक्राउ गरेपनि ३ सय २३ जनालाई भने सोधपुछपछि रिहा गरिसकेको छ ।

प्रहरीले शंकास्पद १२ जनालाई भने अझै हिरासतमै लिएको र उनीहरूका बारेमा थप अनुसन्धान गरिरहेको बताएको छ ।

प्रहरीले विनाकारण सर्वसाधारणलाई पक्राउ गरेर दुःख दिएको भन्दै आक्रोश बढ्न थालेको छ ।

Published : Monday, 2018 August 6, 1:50 pm

यसमा तपाइको मत

तपाइको इमेल गोप्य राखिनेछ

फेसबुकबाट तपाईको प्रतिक्रिया