गगनको एक शब्दले हँगामा, कम्युनिस्ट सरकारलाई बढ्यो खतरा

काठमाडौं । प्रमुख प्रतिपक्षी दलका सांसद गगन थापाले विनियोजन बजेट स्थानीय निकाय र संघीयता विरोधी रहेको भन्दै फेल गराउन आग्रह गरेका छन् ।

कांग्रेसका केन्द्रीय सदस्य समेत रहेका युवा नेता थापाले भने जस्तै गरेर बजेट फेल भयो भने सरकारलाई गम्भीर नैतिक संकट पर्नेछ ।

प्रतिनिधि सभाको बिहीबारको बैठकमा दर्ता भएको सार्वजनिक महत्वको प्रस्तावमाथि बोल्दै थापाले विनियोजित बजेट अपूर्ण रहेको र ठीक नभएको भन्दै फेल गराउन आग्रह गरे ।

‘यो बजेटलाई पनि फेल गरिदिउँ’, थापाले भने, ‘यसलाई अगाडि नबढाउ । यो वर्ष कस्तो अयोजना छनोट गरिएको छ ? सम्पन्न गरेपछि मात्र तल बुझाउनु पर्नेछ ?’

थापाले प्रधानमन्त्री केपी ओली चित्रबहादुर केसीभन्दा पनि बढी संघीयता विरोधी रहेको आरोप लगाए ।

‘यो बजेट प्रदेश र स्थानीय निकायमा काम लाग्दैन । यो संसद संघीयताको विरोधी बजेट देखिएको छ । केन्द्र सरकारको षड्यन्त्रलाई स्थानीय र प्रदेश सरकारले बुझ्नेछ’, थापाले भने ।

Published : Thursday, 2018 June 28, 6:19 pm

यसमा तपाइको मत

तपाइको इमेल गोप्य राखिनेछ

फेसबुकबाट तपाईको प्रतिक्रिया