राजपाको अध्यक्षमण्डल बिघठन गर्न दवाव

काठमाडौं । राष्ट्रिय जनता पार्टी नेपाल (राजपा)को अध्यक्षमण्डललाई बिघठन गर्न माग उठेको छ ।

राजपाको राजनीतिक समितिको काठमाडौंमा सोमबारदेखि शुरु भएको बैठकमा धारणा राख्ने केही सदस्यहरूले अध्यक्षमण्डल विघठनको माग गरेका हुन् ।

अध्यक्षमण्डल राजपाको सबैभन्दा शक्तिशाली निकाय हो । अध्यक्षमण्डलमा पर्न नसकेका केही नेताहरूले यो निकायलाई रुचाएका छैनन् ।

तत्कालीन नेता हृदयश त्रिपाठी, बृजेशकुमार गुप्तासहितका नेताहरूले पनि अध्यक्षमण्डल विघठनको माग गरेका थिए । उनीहरूको मागको सुनुवाइ नभएपछि एमालेतिर सल्किएका थिए ।

बैठकमा बोल्ने केही नेताहरूले अध्यक्षमण्डल विघटन गरी महाधिवेशनको मिति तोक्ने नेतृतवलाई सुझाव दिएका थिए ।

सहअध्यक्ष लक्ष्मणलाल कर्णले अध्यक्ष मण्डलको मोनोपोलीमाथि प्रश्न उठाए । उनले निर्वाचन आयोगको पत्रका विषयमा पनि बैठकमा जानकारी गराएका थिए ।

उपाध्यक्ष बृषेशचन्द्र लालले पनि अध्यक्षमण्डल तानाशाही भएको आरोप लगाए । पार्टी लथालिंग रहेको र अध्यक्षमण्डल आफैमा अस्तव्यस्त रहेको टिप्पणी गरे ।

उपाध्यक्ष नरसिंह चौधरीले अध्यक्षमण्डलको घेरामा राजपा नेपाल परेको भन्दै आक्रोश व्यक्त गरे । अध्यक्षमण्डलका कारण आफूहरू कसैको बन्धनमा बाँधिएको जस्तो महसुस भइरहेको चौधरीले बताए ।

Published : Tuesday, 2018 June 19, 9:02 pm

1 प्रतिकृया प्राप्त “राजपाको अध्यक्षमण्डल बिघठन गर्न दवाव”

  • Hn..Shmahand thakur is an ideal role model&a statue of sacrify . Withoutany conflict&election…. he must be the chair man of the party. Rest should be deputychair man. Theirs seniority is to becounted accordance with thier vision… rationality and winner candidates of last election.

यसमा तपाइको मत

तपाइको इमेल गोप्य राखिनेछ

फेसबुकबाट तपाईको प्रतिक्रिया