पुराना गुन्डा नाइके लामा दश दिन हिरासतमै बस्ने

काठमाडौं । पुराना गुन्डा नाइके एवम् कांग्रेस नेता गणेश लामालाई प्रहरी हिरासतमै राखेर अनुसन्धान गर्न जिल्ला प्रशासन कार्यालय काठमाडौंले १० दिन म्याद थप गरेको छ ।

जिल्ला प्रशासन कार्यालयकै स्वीकृतिमा १० दिन यता उनी हिरासतमै छन् । हिरासतमा लामालाई राख राख्ने अनुमति दिएको थियो ।

राजधानीको गौशालाबाट चैत ३ गते प्रहरीले उनलाई पक्रेको थियो । हातहतियार तथा खरखजानामा उनीमाथि प्रहरीले अनुसन्धान गरिरहेको महानगरीय प्रहरी परिसर काठमाडौंका डिएसपी मोहनकुमार थापाले बताए ।

प्रहरी हिरासतमा रहेका लामाले भने प्रहरीले जफत गरेको हतियार आफ्नो नभएको दावी गर्दै आएका छन् ।

प्रहरीले लामालाई गौशालाको पशुपति भिजन होटेलबाट एक थान पेस्तोल र ६ राउण्ड गोलीसहित पक्राउ गरेको दावी गर्दै आएको छ ।

हतियारसहित फेला परेको भन्दै प्रहरीले तयार परेको मुचुल्कामा लामाले हस्ताक्षर गर्ने मानेका थिएनन् ।

Published : Monday, 2018 March 26, 9:34 pm

यसमा तपाइको मत

तपाइको इमेल गोप्य राखिनेछ

फेसबुकबाट तपाईको प्रतिक्रिया