प्रचण्डले लाजिम्पाट छाडे, अब कहाँ बस्छन् ?

काठमाडौं । पुत्र प्रकाश दाहालको निध भएको घरमा माओवादी केन्द्रका अध्यक्ष पुष्पकमल दाहाल ‘प्रचण्ड’ नबस्ने भएका छन् ।

प्रचण्ड अब ललितपुरको खुमलटारस्थित एक घरमा सरेका हुन् । लाजिम्पाटमा भाडाको घरमा बस्दै आएका दाहाल स–परिवार खुमलटार सरेका हुन् ।

खुमलटारको नयाँ घरमा केही सामान पनि सार्न सुरु गरिएको छ । प्रचण्डका स्वकीय सचिव जोखबहादुर महराले पनि खुमलटार सरेको स्वीकार गरेका छन् ।

खुमलटारमा भनेजस्तो घर भेटिएकाले केही सामान सारिएको महराले बताए । खुमलटार सर्न केही समय लाग्ने उनले बताए ।

खुमलटारमा दाहालले सर्न लागेको घर कसको हो र उनले कति भाडा तिर्ने हुन् भन्नेबारे केही खुलाइएको छैन ।

प्रचण्ड लाजिम्पाटस्थित निवासमा झण्डै पाँच वर्ष बसेका छन् । सोही घरमा पुत्र प्रकाशको मृत्यु भएको थियो ।

Published : Saturday, 2017 December 16, 9:59 am

यसमा तपाइको मत

तपाइको इमेल गोप्य राखिनेछ

फेसबुकबाट तपाईको प्रतिक्रिया