प्रचण्ड बिहानै पुगे कांग्रेस कार्यालय, पाए शिर निहुरिने जवाफ

चितवन । नेकपा (माओवादी केन्द्र)का अध्यक्ष एवम् चितवन क्षेत्र नं. ३ का प्रतिनिधी सभा उम्मेदवार पुष्पकमल दाहाल ‘प्रचण्ड’ नेपाली कांग्रेसको कार्यालय पुगेका छन् ।

शिवनगरबाट प्रचण्ड बिहीबार बिहान मर्निङ वाकमा निश्किएका थिए । भरतपुर महानगरपालिका वडा नं. २१ स्थित माइली चोकमा पुगेपछि प्रचण्डलाई कांग्रेस पार्टी कार्यालयमा केही समय बसेको एक नेताले बताए ।

प्रचण्ड कांग्रेसको कार्यालयमा आएर बसेपछि कांग्रेस नेता तथा कार्यकर्ताहरूले स्वागत गर्नुका साथ चिया खानका लागि प्रस्ताव राखेका थिए । केही समय प्रचण्डले चिया गफ गरेको माओवादी केन्द्रका एक नेताले बताए ।

त्यस क्रममा प्रचण्डले कांग्रेसका नेता तथा कार्यकर्ताहरूसँग भोट मागेका थिए । जवाफमा कांग्रेसका नेता तथा कार्यकर्ताहरूले तपाईको छोरी रेणु दाहाललाई जिताएको स्मरण गराउँदै कांग्रेसलाई छाडेर एमालेसँग वाम गठबन्धन बनाएकाले तत्काल कुनै पनि सहयोग गर्न नसकिने जवाफ दिएको कांग्रेसका एक नेताले बताए ।

कांग्रेस नेता कार्यकर्ताले एमालेसँग वाम गठबन्धन गरेर कांग्रेसलाई धोका दिएको भन्दै सहयोग गर्न नसकिने जवाफ दिएका थिए ।

उनीहरूले भनेका थिए, ‘भरतपुर महानगरमा तपाईकी छोरी रेणुलाई जिताउन हामीले के सम्म गरेनौं, मतपत्र चयात्दा पनि सबै सह्यौं । तर, तपाई हामीलाई धोका दिँदै गफ ठोक्ने केपी ओलीसँग टाँस्सिनुभयो । यसले हाम्रो चित्त दुखाएको छ । अहिले सहयोग गर्न सकिदैन् । जानुस् एमालेको शरणमा ।’

प्रचण्ड एमालेको समर्थनमा क्षेत्र नं. ३ मा उम्मेदवार बनेका छन् । उनलाई कांग्रेसको समर्थनमा उम्मेदवार बनेका राप्रपा (प्रजातान्त्रिक)का नेता तथा मन्त्री बिक्रम पाण्डेले टक्कर दिँदै छन् ।

Published : Friday, 2017 November 17, 9:57 am

यसमा तपाइको मत

तपाइको इमेल गोप्य राखिनेछ

फेसबुकबाट तपाईको प्रतिक्रिया