ललिपुर । नेपाल प्रहरीको पूर्व डिआईजी एवम् एमालेका तर्फबाट ललितपुर क्षेत्र नं. १ बाट उम्मेदवार बनेका नवराज सिलवालले आफ्ना कारण एमालेको उचाइँ बढेको दाबी गरेका छन् ।

शनिबार ललितपुरमा आयोजित चुनावी कार्यक्रममा सिलवालले कांग्रेसका उम्मेदवार उदयशम्शेर राणाविरुद्ध जथाभावी अभिव्यक्ति दिएका हुन् । उनले घमण्ड गर्दै आफ्ना कारण देशविदेशमा एमालेको चर्चा भइरहेको समेत दाबी गरे । सम्बोधनका क्रममा माओवादी र एमालेका अन्य उम्मेदवारहरूको नाम समेत लिन नसकेका सिलवालले आफूलाई सुपर उम्मेदवारका रुपमा समेत परिचित गराए ।

‘मेरो कारण ललिपुरमा चर्चामा छ । चार वर्ष अगाडि जितेर गएका नेपाली कांग्रेसका प्रतिनिधि उदेय शम्शेर राणाको नाम कसैलाई थाहा थिएन । उहाँको नाम मेरो कारणले चर्चामा छ ’, सिलवालले भने, ‘उदयशम्शेर राणाको नामलाई मैले प्रकाशमा ल्याइदिनु पर्ने भएको छ ।’

डिआईजीबाट आईजीपी बन्ने दौडमा रहेका सिलावललाई उनै कांग्रेसका उदयशम्शेर राणाले जिल्लाबासीको नाताले शेरबहादुर देउवा समक्ष भेट गराउने लगेको कुरा अहिले सिलावलले भुलेका छन् । राजनीतिमा उदयशम्शेर राणा सिलवालभन्दा निकै जुनियर हुन् । सिलवाल दुई महिना अगाडि मात्रै राजनीतिमा प्रवेश गरेका हुन् । त्यसअघि डिआईजी सिलवालले उनै उदयशम्शेर राणालाई सेल्युट गर्थे ।

एमालेका उम्मेदवार सिलवालले नेपाली कांग्रेसले जनताको पक्षमा कुनै पनि काम नगरेको आरोप लगाए । उनले भने, ‘कांग्रेसलाई सिकाउन चाहन्छौँ । एमालेसँग सिक्नु पर्छ ।’

सिलालले अन्तर्राष्ट्रिय समुदाय कम्युनिष्टहरूलाई हराउन लागेको आरोप पनि लगाए । उनले धानकाट्दै गरेको तस्बिरका विरुद्ध टिकाटिप्पणी गर्नेहरूको पनि आलोचना गरे ।

पुलिसमा रहेका बेला मिटर व्याजका कारण थुप्रै सर्वसाधारणलाई दुःख दिएका सिलवालले गुनबहादुर थापालाई लामो समयसम्म थुनामा राखेका थिए । सिलवाले थापालाई झुठ्ठा मुद्दा समेत लगाएका थिए ।

मिटर व्याजसम्बन्धी थापा र सिलवालको अडियो अहिले सामाजिक सञ्जालभरि भारइरल भइरहेको छ । यो कुरालाई पनि सिलवालले ललितपुरका मतदाताहरूलाई जवाफ दिनुपर्ने अवाज एमालेभित्रै उठ्न थालेको छ ।